Ledige lærarstillingar i grunnskulen i Kvam frå 01.08.2017

Ledige lærarstillingar i grunnskulen  i Kvam frå 01.08.2017

Sak. 17/439

I Kvam herad vert det ledige vikariat som lærarar. Me søkjer godkjende lærarar som kan vera med å utvikla grunnskulen i Kvam. Me har størst behov for allmennlærarar. Heradet sin visjon for skulen er ”ein god stad å vera er ein god stad å læra”.

Skulane har desse satsingsområda:
• vurdering for læring
• tidleg innsats
• læringsmiljø og pedagogisk analyse

Heradet har 6 skular og eit elevtal på om lag 1000. For skuleåret 2017/2018 har desse skulane behov for godkjende lærarar: Tørvikbygd skule, Øystese barneskule, Strandebarm skule, Kvam ungdomsskule, Ålvik skule, Norheimsund skule og Vaksenopplæringa. I tillegg til kontaktlærarar er det mellom anna behov for fagkompetanse i matematikk, spesialpedagogikk, engelsk, tysk, spansk, mat og helse, norsk, særskilt norskopplæring og kroppsøving.

Dersom du har eit ynskje om å jobba med elevar med ulike utfordringar i skulekvardagen, ber me om at du spesifiserer dette i søknaden. Har du særskilde ynskje om skule, ber me om at det også vert prioritert i søknaden. Nyutdanna lærarar får rettleiing dei to første åra.

Kvalifikasjonar og eigenskapar:
For undervisningsstilling er det krav om godkjent lærarutdanning ihht. Forskrift til opplæringslova Kap. 14. 

I Kvam herad legg me vekt på at tilsette er:
• Serviceinnstilt og imøtekomande
• Tek ansvar og er profesjonelle
• Samarbeider med andre
• Deler kompetanse og er nytenkjande

*Ved tilsetjing vert det stilt krav om politiattest av ny dato. Denne skal ikkje leverast med søknaden.

Kvam herad kan tilby:
Løn etter gjeldande tariffavtalar og lokalt lønssystem
Gode pensjons- og forsikringsordningar
Tilsetjing på vanlege vilkår for kommunale arbeidstakarar

Kontaktpersonar:
Strandebarm skule, rektor Inga Lill Jensen Tolo - 56 55 68  71/ 951 19 865
Tørvikbygd skule, rektor Per Røberg - 56 55 68 53/ 950 34 133
Norheimsund skule, rektor Svein Sekse – 56 55 77 01 / 996 00 880
Kvam ungdomsskule, rektor Frode Sandven - 56 55 69 21/ 478 16 900
Øystese barneskule, rektor Grete Iversen - 56 55 68 21/ 416 30 150
Ålvik skule, rektor Ester Hauger -  56 55 68 31/ 906 41 401
Vaksenopplæringa, rektor Kjell Arne Gjøn – 56 55 68 90/ 918 15 847
Eller oppvekstsjef Astrid-Anett Steine – 56 55 31 50/ 994 28 606

Meir informasjon om skulane våre finn du på : www.kvam.no/skule

Velkomen som søkjar til interessant jobb i godt arbeidsmiljø!

Søknadsfrist: 9. april 2017

Alle søknadar skal sendast via vårt digitale søknadssenter.
Hugs å føra opp utdanning og praksis, også om du har opplyst om dette i tidlegare søknadar til kommunen. Søknadspapir, kopiar av vitnemål og attestar osv. vert ikkje returnert.

Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad er ein inkluderande arbeidslivsbedrift (IA) og ønskjer å leggja til rette for personar med nedsett funksjonsevne.

I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.