Stabsdirektør (økonomidirektør) i Bufetat, region vest

Ved regionkontoret i Bergen er det ledig ei fast 100 % stilling som stabsdirektør (økonomidirektør). Økonomidelen og verksemdsstyring er vektlagt, sidan dette fagområdet er ein hovuddel i det daglege arbeidet til stabsdirektøren.

Arbeidsoppgåver/ansvarsområder

• Stabsdirektøren har ansvaret på vegne av regiondirektøren for dei administrative og faglege støttefunksjonane. Det er eit særskilt ansvar for den økonomiske planlegginga og oppfølginga av organisasjonen på verksemdnivå.

• Stillinga vil ha ansvar for seksjon for verksemdsstyring, seksjon for fagleg støtte, HR-seksjonen og kontorfagleg eining. I tillegg ligg det nokre oppgåver innanfor overordna innkjøp, eigedom og intern drift, sjølv om det finns sentrale interne einingar som gjer mykje av dette arbeidet på vegne av regionen.

• Stabsdirektøren har det overordna leiaransvaret for medarbeidarane på regionkontoret, samt ansvar for å analysere, evaluere og beslutte innanfor sine fagområde.

• Stabsdirektør rapporterer direkte til regiondirektør og inngår i leiargruppa.

• Stabsdirektør har ansvar for å sjå til at faglege og administrative støttefunksjoner vert utøva i samsvar med nasjonale og regionale føringar.

• Stabsdirektør skal sikre at regiondirektør får nødvendig informasjon om verksemdkritiske utfordringar og annan styringsinformasjon.

• Skape gode prosessar samt leie, motivere og utvikle medarbeidarar.

• Delta aktivt i den regionale leiargruppa på det strategiske plan og bidra til å finne dei gode løysingane.

Kvalifikasjonar

• Det krevjast relevant høgare utdanning frå universitet-/høgskule t.d. som siviløkonom, samfunnsøkonom e.l..

• Det er ynskeleg med tilleggsutdanning i administrasjon/leiing om dette ikkje er ein del av hovudutdanninga.

• Det krevjast solid økonomifag- og leiarerfaring.

• Svært god kunnskap om økonomi- og verksemdsstyring, samt budsjett og regnskapskompetanse.

• God innsikt i offentleg forvaltning er eit føremun, særleg med omsyn til statlege plan- og økonomiprosessar.

• Det krevjast generell metodisk og praktisk kunnskap om personalleiing samt evne til å leie, motivere og utvikle medarbeidarar.

• Stillingsinnehavar må kunne anvende/forholda seg til relevante lover, regler og retningslinjer.

• Stillingsinnehavar må kunne nytta relevante fag- og administrative IKT-system på ein effektiv måte.

• Det krevjast svært god skriftleg og munnleg framstillingsevne.

Personlege eigenskapar

• Du er strukturert, effektiv og handlekraftig med god gjennomføringsevne.

• Du er løysings- og resultatorientert, og kan handtere utfordrande situasjonar.

• Du er fleksibel, omgjengeleg og tydeleg, med gode mellommenneskelege evner.

• Du har gode analytiske evner, samt evne til å tenke heilskap og tverrfagleg.

• Du har gode samarbeids- og kommunikasjonsevner.

• Du har stor arbeidskapasitet.

• Du har høg truverdigheit og integritet.

• Du er dyktig til å motivere, delegere og utvikle gode samarbeidskulturar (nettverk).

• Personleg eignaheit vil bli tillagt stor vekt.

Vi tilbyr

• Stillinga er fast og 100 %. Den er plassert i statleg lønsregulativ i stillingskode 1060 avdelingsdirektør, p.t. kr 830 100-963 700 pr. år. Lønn vert vurdert etter utdanning og erfaring. For særskilt kvalifiserte søkjarar kan ein vurdera høgare lønn.

• Fleksibel arbeidstid.

• Eit godt arbeidsmiljø preget av humor og fellesskap.

• Å få jobbe innanfor eit av de mest meiningsfulle områda i samfunnet (barne- og familievern).

• Gode seniorordningar frå 62 år.

• Arbeidsstad er sentralt i Bergen sentrum ( Gågaten /Strandgaten). Stillinga inneber ikkje mykje reising, bl.a. fordi etaten har godt utbygd videokonferanseutstyr i samlege tenesteområda.

• Medlemskap i Statens Pensjonskasse som inneber ei god tenestepensjonsordning, tilbod om bustadlån til konkurransedyktige vilkår, samt yrkesskade- og gruppelivsforsikring.

Generelle opplysningar

• Staten legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonshemming, nasjonal eller etnisk bakgrunn. Bufetat har som eit personalpolitisk mål å oppnå ei balansert alders- og kjønnssamansetjing og rekruttera personar med fleirkulturell bakgrunn.
• Bufetat er ei IA (Inkluderande Arbeidsliv) verksemd.

Kontaktperson for stillinga (også uforpliktande kontakt)

Regiondirektør Øistein Søvik, tlf. 94861333 (e-post: oistein.sovik@bufetat.no )

Søknad med CV vert å senda elektronisk via lenkje på denne sida.

Vitnemål og attestar skal takast med i samband med evt. intervju seinare i prosessen.

Søknadsfrist: 23. januar 2017