Kommunalsjef/einingsleiar, helse- og omsorg
- Arbeidsgiver
- Ulvik herad
- Stillingstittel
- Kommunalsjef/einingsleiar
- Frist
- 11.04.2017
- Ansettelsesform
- Fast
Utfordrande leiarstilling i Ulvik herad
Stilling som kommunalsjef/einingsleiar for helse og omsorg er ledig frå 1.9.2017, eller etter avtale. Stillinga inngår i rådmannen si leiargruppe, med eit samla ansvar for tenestene innafor helse og omsorg. Dette omfattar pleie- og omsorgstenester, legetenester/helsestasjon, psykiatri og andre brukarretta tenester etter helse- og omsorgstenestelova. Einingsleiar har det samla ansvaret for økonomi og personale innan helse- og omsorg. Også andre oppgåver kan bli lagt til stillinga etter avtale med rådmannen. Ulvik herad står framfor bygging av ny sjukeheim. Kommunalsjef/einingsleiar vil vera sentral i å realisera dette prosjektet.
Kompetansekrav
Til stillinga ynskjer me ein person med relevant universitets- eller høgskuleutdanning. Me ser etter ein person som har erfaring i å utvikle og leie arbeidet med kommunen sine helse- og omsorgstenester, og som kan vere pådrivar for samarbeid på tvers av tenestene. Vår framtidige kommunalsjef/einingsleiar er god til å lytte, og har samtidig evne til å ta avgjerder. Me ynskjer ein person som er utviklingsorientert, tydeleg, og som kan ha eit overordna blikk i organisasjonen.
Me søkjer ein leiar som
-er løysingsorientert og har gode samarbeidsevner
-har ein tillitsvekkande og engasjerande leiarstil
-kan skape tydeleg og nær kommunikasjon med sine leiarar
-har evne til samhandling med og forståing for politiske styringsorgan
-kan setje klare mål og realiserer dei
Me kan tilby
-utfordrande og spennande arbeidsoppgåver
-ein kommunal organisasjon som er i endring og utvikling
-løn etter avtale
For stillinga gjeld:
Vanlege kommunale tariffvilkår. Det vert teke atterhald om framtidige organisatoriske endringar.Krav om politiattest i tråd med gjeldande lovverk. Informasjon om stillingane: konstituert rådmann Reidar Meel tlf. 40007177.
Søknad kan/bør fyllast ut elektronisk på https://www.ulvik.kommune.no/sjolvbetening/, Saksnr. 17/65 og/eller sendes til: Ulvik herad , v/Reidar Meel, Skeiesvegen 3, 5730 Ulvik eller post@ulvik.kommune.no
Om arbeidsgiveren
Velkommen til perla i Hardanger!
Ulvik ligg innerst i Hardanger mellom høge, snødekte fjell, innerst i kanten av Hardangerfjorden. Her finn du Noreg si eineste frukt- og siderrute med tre sjølvstendige gardsbedrifter som tilbyr både eigenprodusert eplesider og andre velsmakande gardsprodukt. Bygda byr på fleire overnattings- og spisestader og fleire ulike aktivitetar for store og små. Stå på vannski på fjorden, kikk innom Ulvikatorget med eit stort utval av lokalproduserte varer eller ta deg ei lyrisk vandring i det nyopna Olav H. Hauge-senteret eller diktarheimen på Rossvoll. Det er fleire godt merka turstiar rundt om i området og moglegheiter for å utforske fjorden med både båt og kajakk.
- Sektor
- Offentlig
- Lederkategori
- Leder
- Sted
- Skeiesvegen 3, 5730 Ulvik
- Bransje
- Offentlig administrasjon
- Stillingsfunksjon
- Ledelse
Spørsmål om stillingen
- Kontaktperson
- Reidar Meel
- Stillingstittel
- konstituert rådmann
- Telefon
- 40 00 71 77
Skeiesvegen 3, 5730 Ulvik